ek hunar hai jo kar gaya hun main

اک ہنر ہے جو کر گیا ہوں میں
سب کے دل سے اتر گیا ہوں میں

کیسے اپنی ہنسی کو ضبط کروں
سن رہا ہوں کہ گھر گیا ہوں میں

کیا بتاؤں کہ مر نہیں پاتا
جیتے جی جب سے مر گیا ہوں میں

اب ہے بس اپنا سامنا در پیش
ہر کسی سے گزر گیا ہوں میں

وہی ناز و ادا وہی غمزے
سر بہ سر آپ پر گیا ہوں میں

عجب الزام ہوں زمانے کا
کہ یہاں سب کے سر گیا ہوں میں

کبھی خود تک پہنچ نہیں پایا
جب کہ واں عمر بھر گیا ہوں میں

تم سے جاناں ملا ہوں جس دن سے
بے طرح خود سے ڈر گیا ہوں میں

کوئے جاناں میں سوگ برپا ہے
کہ اچانک سدھر گیا ہوں میں

ik hunar hai jo kar gaya huun main

ik hunar hai jo kar gaya huun main
sab ke dil se utar gaya huun main

kaise apni hansi ko zabt karun
sun raha huun ki ghar gaya huun main

kya bataun ki mar nahin paata
jeete ji jab se mar gaya huun main

ab hai bas apna saamna darpesh
har kisi se guzar gaya huun main

wahi naaz o ada wahi ghamze
sar basar aap par gaya huun main

ajab ilzaam huun zamaane ka
ki yahan sab ke sar gaya huun main

kabhi khud tak pahunch nahin paaya
jab ki wahan umr bhar gaya huun main

tum se jaanan mila huun jis din se
be tarah khud se dar gaya huun main

koo e jaanan mein sog barpa hai
ki achanak sudhar gaya huun main