teri umid tera intizar jab se hai
تری امید ترا انتظار جب سے ہے
تری امید ترا انتظار جب سے ہے
نہ شب کو دن سے شکایت نہ دن کو شب سے ہے
کسی کا درد ہو کرتے ہیں تیرے نام رقم
گلہ ہے جو بھی کسی سے ترے سبب سے ہے
ہوا ہے جب سے دل ناصبور بے قابو
کلام تجھ سے نظر کو بڑے ادب سے ہے
اگر شرر ہے تو بھڑکے جو پھول ہے تو کھلے
طرح طرح کی طلب تیرے رنگ لب سے ہے
کہاں گئے شب فرقت کے جاگنے والے
ستارۂ سحری ہم کلام کب سے ہے
terī umīd terā intizār jab se hai
terī umīd terā intizār jab se hai
na shab ko din se shikāyat na din ko shab se hai
kisī kā dard ho karte haiñ tere nām raqam
gila hai jo bhī kisī se tire sabab se hai
huā hai jab se dil-e-nā-subūr be-qābū
kalām tujh se nazar ko baḌe adab se hai
agar sharar hai to bhaḌke jo phuul hai to khile
tarah tarah kī talab tere rañg-e-lab se hai
kahāñ ga.e shab-e-furqat ke jāgne vaale
sitāra-e-saharī ham-kalām kab se hai
