دونوں جہان تیری محبت میں ہار کے

دونوں جہان تیری محبت میں ہار کے
وہ جا رہا ہے کوئی شب غم گزار کے

ویراں ہے مے کدہ خم و ساغر اداس ہیں
تم کیا گئے کہ روٹھ گئے دن بہار کے

اک فرصت گناہ ملی وہ بھی چار دن
دیکھے ہیں ہم نے حوصلے پروردگار کے

دنیا نے تیری یاد سے بیگانہ کر دیا
تجھ سے بھی دل فریب ہیں غم روزگار کے

بھولے سے مسکرا تو دیے تھے وہ آج فیضؔ
مت پوچھ ولولے دل ناکردہ کار کے

Donon jahan teri mohabbat mein haar ke

Dono jahan teri mohabbat me haar ke
Wo ja raha hai koi shab-e-gham guzar ke

Viran hai maikada khum-o-saghar udaas hain
Tum kya gaye ke rooth gaye din bahaar ke

Ik fursat-e-gunah mili wo bhi chaar din
Dekhe hain hum ne hausle Parwardigar ke

Duniya ne teri yaad se begaana kar diya
Tujh se bhi dilfareb hain gham rozgaar ke

Bhule se muskara to diye the wo aaj ‘Faiz’
Mat pooch walwale dil-e-na-karda-kaar ke