دل ناداں تجھے ہوا کیا ہے
آخر اس درد کی دوا کیا ہے
ہم ہیں مشتاق اور وہ بیزار
یا الٰہی یہ ماجرا کیا ہے
میں بھی منہ میں زبان رکھتا ہوں
کاش پوچھو کہ مدعا کیا ہے
جب کہ تجھ بن نہیں کوئی موجود
پھر یہ ہنگامہ اے خدا کیا ہے
یہ پری چہرہ لوگ کیسے ہیں
غمزہ و عشوہ و ادا کیا ہے
شکن زلف عنبریں کیوں ہے
نگہ چشم سرمہ سا کیا ہے
سبزہ و گل کہاں سے آئے ہیں
ابر کیا چیز ہے ہوا کیا ہے
ہم کو ان سے وفا کی ہے امید
جو نہیں جانتے وفا کیا ہے
ہاں بھلا کر ترا بھلا ہوگا
اور درویش کی صدا کیا ہے
جان تم پر نثار کرتا ہوں
میں نہیں جانتا دعا کیا ہے
میں نے مانا کہ کچھ نہیں غالبؔ
مفت ہاتھ آئے تو برا کیا ہے
Must read Amjad Islam Amjad poetry
Dil-e-naadan tujhe hua kya hai
Dil-e-naadan tujhe hua kya hai
Aakhir is dard ki dawa kya hai
Hum hain mushtaq aur woh bezaar
Ya ilahi yeh maajra kya hai
Main bhi munh mein zubaan rakhta hoon
Kaash poocho ke mudda’a kya hai
Jab ke tujh bin nahi koi maujood
Phir yeh hangama ae Khuda kya hai
Yeh pari chehra log kaise hain
Ghamza o ishwa o ada kya hai
Shikan zulf ambareen kyun hai
Nigah-e-chashm-e-surma sa kya hai
Sabza-o-gul kahan se aaye hain
Abr kya cheez hai hawa kya hai
Hum ko un se wafa ki hai umeed
Jo nahi jaante wafa kya hai
Haan bhala kar tera bhala hoga
Aur darvesh ki sada kya hai
Jaan tum par nisaar karta hoon
Main nahi jaanta dua kya hai
Main ne maana ke kuch nahi Ghalib
Muft haath aaye to bura kya hai
Must read sad poetry
