kitne aish se rahte honge kitne itraate honge jaun eliya ghazals

kitne aish se rahte honge kitne itrate honge
jaane kaise log vo honge jo us ko bhaate honge

shaam hue khush-baash yahan ke mere paas aa jaate hain
mere bujhne ka nazzara karne aa jaate honge

vo jo na aane wala hai na us se mujh ko matlab tha
aane walon se kya matlab aate hain aate honge

us ki yaad ki baad-e-saba mein aur to kya hota hoga
yunhi mere baal hain bikhre aur bikhar jaate honge

yaro kuchh to zikr karo tum us ki qayamat banhon ka
vo jo simatte honge un mein vo to mar jaate honge

mera saans ukhadte hi sab bain karenge roenge
yaani mere baad bhi yaani saans liye jaate honge

کتنے عیش سے رہتے ہوں گے کتنے اتراتے ہوں گے

کتنے عیش سے رہتے ہوں گے کتنے اتراتے ہوں گے
جانے کیسے لوگ وہ ہوں گے جو اس کو بھاتے ہوں گے

شام ہوئے خوش باش یہاں کے میرے پاس آ جاتے ہیں
میرے بجھنے کا نظارہ کرنے آ جاتے ہوں گے

وہ جو نہ آنے والا ہے نا اس سے مجھ کو مطلب تھا
آنے والوں سے کیا مطلب آتے ہیں آتے ہوں گے

اس کی یاد کی باد صبا میں اور تو کیا ہوتا ہوگا
یوں ہی میرے بال ہیں بکھرے اور بکھر جاتے ہوں گے

یارو کچھ تو ذکر کرو تم اس کی قیامت بانہوں کا
وہ جو سمٹتے ہوں گے ان میں وہ تو مر جاتے ہوں گے

میرا سانس اکھڑتے ہی سب بین کریں گے روئیں گے
یعنی میرے بعد بھی یعنی سانس لیے جاتے ہوں گے