Gaahe Gaahe Bas Ab Yahi Ho kya

گاہے گاہے بس اب یہی ہو کیا
تم سے مل کر بہت خوشی ہو کیا

مل رہی ہو بڑے تپاک کے ساتھ
مجھ کو یکسر بھلا چکی ہو کیا

یاد ہیں اب بھی اپنے خواب تمہیں
مجھ سے مل کر اداس بھی ہو کیا

بس مجھے یوں ہی اک خیال آیا
سوچتی ہو تو سوچتی ہو کیا

اب مری کوئی زندگی ہی نہیں
اب بھی تم میری زندگی ہو کیا

کیا کہا عشق جاودانی ہے!
آخری بار مل رہی ہو کیا

ہاں فضا یاں کی سوئی سوئی سی ہے
تو بہت تیز روشنی ہو کیا

میرے سب طنز بے اثر ہی رہے
تم بہت دور جا چکی ہو کیا

دل میں اب سوز انتظار نہیں
شمع امید بجھ گئی ہو کیا

اس سمندر پہ تشنہ کام ہوں میں
بان تم اب بھی بہہ رہی ہو کیا

gaahe gaahe bas ab yahi ho kya
tum se mil kar bahut khushi ho kya

mil rahi ho bade tapaak ke saath
mujh ko yaksar bhula chuki ho kya

yaad hain ab bhi apne khwab tumhe
mujh se mil kar udaas bhi ho kya

bas mujhe yunhi ik khayal aaya
sochti ho to sochti ho kya

ab meri koi zindagi hi nahin
ab bhi tum meri zindagi ho kya

kya kaha ishq javedani hai
aakhiri baar mil rahi ho kya

haan faza yaan ki soi soi si hai
to bahut tez raushni ho kya

mere sab tanz beasar hi rahe
tum bahut door ja chuki ho kya

dil mein ab soz e intizar nahin
shaam e umeed bujh gai ho kya

is samundar pe tishna kaam hoon main
baan tum ab bhi bah rahi ho kya