تم آئے ہو نہ شب انتظار گزری ہے

تلاش میں ہے سحر بار بار گزری ہے

جنوں میں جتنی بھی گزری بکار گزری ہے

اگرچہ دل پہ خرابی ہزار گزری ہے

ہوئی ہے حضرت ناصح سے گفتگو جس شب

وہ شب ضرور سر کوئے یار گزری ہے

وہ بات سارے فسانے میں جس کا ذکر نہ تھا

وہ بات ان کو بہت نا گوار گزری ہے

نہ گل کھلے ہیں نہ ان سے ملے نہ مے پی ہے

عجیب رنگ میں اب کے بہار گزری ہے

چمن پہ غارت گلچیں سے جانے کیا گزری

قفس سے آج صبا بے قرار گزری ہے

tum aa e ho na shab e intizar guzri hai

talash mein hai sahar baar baar guzri hai

junoon mein jitni bhi guzri ba kar guzri hai

agarche dil pe kharabi hazaar guzri hai

hui hai hazrat e naseh se guftugu jis shab

vo shab zarur sar e ku e yar guzri hai

vo baat saare fasane mein jis ka zikr na tha

vo baat un ko bahut na gavār guzri hai

na gul khile hain na un se mile na mai pi hai

ajeeb rang mein ab ke bahaar guzri hai

chaman pe gharat e gul chin se jaane kya guzri

qafas se aaj saba be qarār guzri hai