har haqiqat majaz ho jae
ہر حقیقت مجاز ہو جائے
ہر حقیقت مجاز ہو جائے
کافروں کی نماز ہو جائے
دل رہین نیاز ہو جائے
بیکسی کارساز ہو جائے
منت چارہ ساز کون کرے
درد جب جاں نواز ہو جائے
عشق دل میں رہے تو رسوا ہو
لب پہ آئے تو راز ہو جائے
لطف کا انتظار کرتا ہوں
جور تا حد ناز ہو جائے
عمر بے سود کٹ رہی ہے فیضؔ
کاش افشائے راز ہو جائے
har haqīqat majāz ho jaa.e
har haqīqat majāz ho jaa.e
kāfiroñ kī namāz ho jaa.e
dil rahīn-e-niyāz ho jaa.e
bekasī kārsāz ho jaa.e
minnat-e-chāra-sāz kaun kare
dard jab jāñ-navāz ho jaa.e
ishq dil meñ rahe to rusvā ho
lab pe aa.e to rāz ho jaa.e
lutf kā intizār kartā huuñ
jaur tā hadd-e-nāz ho jaa.e
umr be-sūd kaT rahī hai ‘faiz’
kaash ifshā-e-rāz ho jaa.e
