Be-Qarari Si Be-Qarari Hai-Jaun Eliya Ghazal
be-qarari si be-qarari hai
vasl hai aur firaq taari hai
jo guzari na ja saki hum se
hum ne vo zindagi guzari hai
nigahare kya hue ki logon par
apna saaya bhi ab to bhaari hai
bin tumhare kabhi nahin aayi
kya meri neend bhi tumhari hai
aap mein kaise aau main tujh bin
saans jo chal rahi hai aari hai
us se kahiyo ki dil ki galiyon mein
raat din teri intizaari hai
hijr ho ya visaal ho kuchh ho
hum hain aur us ki yaadgaari hai
ik mahak samt-e-dil se aayi thi
main ye samjha teri sawaari hai
hadson ka hisaab hai apna
varna har aan sab ki baari hai
khush rahe tu ki zindagi apni
umr bhar ki umeed-vaari hai
بے قراری سی بے قراری ہے
بے قراری سی بے قراری ہے
وصل ہے اور فراق طاری ہے
جو گزاری نہ جا سکی ہم سے
ہم نے وہ زندگی گزاری ہے
نگھرے کیا ہوئے کہ لوگوں پر
اپنا سایہ بھی اب تو بھاری ہے
بن تمہارے کبھی نہیں آئی
کیا مری نیند بھی تمہاری ہے
آپ میں کیسے آؤں میں تجھ بن
سانس جو چل رہی ہے آری ہے
اس سے کہیو کہ دل کی گلیوں میں
رات دن تیری انتظاری ہے
ہجر ہو یا وصال ہو کچھ ہو
ہم ہیں اور اس کی یادگاری ہے
اک مہک سمت دل سے آئی تھی
میں یہ سمجھا تری سواری ہے
حادثوں کا حساب ہے اپنا
ورنہ ہر آن سب کی باری ہے
خوش رہے تو کہ زندگی اپنی
عمر بھر کی امیدواری ہے
