آپ کی یاد آتی رہی رات بھر-غزل
آپ کی یاد آتی رہی رات بھر
چاندنی دل دکھاتی رہی رات بھر
گاہ جلتی ہوئی گاہ بجھتی ہوئی
شمع غم جھلملاتی رہی رات بھر
کوئی خوشبو بدلتی رہی پیرہن
کوئی تصویر گاتی رہی رات بھر
پھر صبا سایۂ شاخ گل کے تلے
کوئی قصہ سناتی رہی رات بھر
جو نہ آیا اسے کوئی زنجیر در
ہر صدا پر بلاتی رہی رات بھر
ایک امید سے دل بہلتا رہا
اک تمنا ستاتی رہی رات بھر
aap ki yaad aati rahi raat bhar- Faiz Ghazal
aap ki yaad aati rahi raat bhar
chaandni dil dukhaati rahi raat bhar
gaah jalti hui gaah bujhti hui
sham-e-gham jhilmilaati rahi raat bhar
koi khushbu badalti rahi pairahan
koi tasvir gaati rahi raat bhar
phir saba saaya-e-shaakh-e-gul ke tale
koi qissa sunaati rahi raat bhar
jo na aaya use koi zanjir-e-dar
har sada par bulaati rahi raat bhar
ek ummid se dil bahalta raha
ik tamanna sataati rahi raat bhar
