راز الفت چھپا کے دیکھ لیا

راز الفت چھپا کے دیکھ لیا

دل بہت کچھ جلا کے دیکھ لیا

اور کیا دیکھنے کو باقی ہے

آپ سے دل لگا کے دیکھ لیا

وہ مرے ہو کے بھی مرے نہ ہوئے

ان کو اپنا بنا کے دیکھ لیا

آج ان کی نظر میں کچھ ہم نے

سب کی نظریں بچا کے دیکھ لیا

فیضؔ تکمیل غم بھی ہو نہ سکی

عشق کو آزما کے دیکھ لیا

raz e ulfat chhupa ke dekh liya

dil bahut kuchh jala ke dekh liya

aur kya dekhne ko baqi hai

aap se dil laga ke dekh liya

vo mire ho ke bhi mire na hue

un ko apna bana ke dekh liya

aaj un ki nazar mein kuchh ham ne

sab ki nazren bacha ke dekh liya

faiz takmeel e gham bhi ho na saki

ishq ko aazma ke dekh liya