شام فراق اب نہ پوچھ آئی اور آ کے ٹل گئی

دل تھا کہ پھر بہل گیا جاں تھی کہ پھر سنبھل گئی

بزم خیال میں ترے حسن کی شمع جل گئی

درد کا چاند بجھ گیا ہجر کی رات ڈھل گئی

جب تجھے یاد کر لیا صبح مہک مہک اٹھی

جب ترا غم جگا لیا رات مچل مچل گئی

دل سے تو ہر معاملہ کر کے چلے تھے صاف ہم

کہنے میں ان کے سامنے بات بدل بدل گئی

آخر شب کے ہم سفر فیضؔ نہ جانے کیا ہوئے

رہ گئی کس جگہ صبا صبح کدھر نکل گئی

sham e firaq ab na pooch aai aur aa ke tal gai

dil tha ki phir bahal gaya jaan thi ki phir sambhal gai

bazm e khayal mein tire husn ki shama jal gai

dard ka chand bujh gaya hijr ki raat dhal gai

jab tujhe yaad kar liya subh mahak mahak uthi

jab tera gham jaga liya raat machal machal gai

dil se to har moamla kar ke chale the saaf ham

kahne mein un ke samne baat badal badal gai

aakhir e shab ke ham safar faiz na jaane kya hue

rah gai kis jagah saba subh kidhar nikal gai