wafa-e-wada nahin wada-e-digar bhi nahin
وفائے وعدہ نہیں وعدۂ دگر بھی نہیں
وفائے وعدہ نہیں وعدۂ دگر بھی نہیں
وہ مجھ سے روٹھے تو تھے لیکن اس قدر بھی نہیں
برس رہی ہے حریم ہوس میں دولت حسن
گدائے عشق کے کاسے میں اک نظر بھی نہیں
نہ جانے کس لیے امیدوار بیٹھا ہوں
اک ایسی راہ پہ جو تیری رہ گزر بھی نہیں
نگاہ شوق سر بزم بے حجاب نہ ہو
وہ بے خبر ہی سہی اتنے بے خبر بھی نہیں
یہ عہد ترک محبت ہے کس لیے آخر
سکون قلب ادھر بھی نہیں ادھر بھی نہیں
vafā-e-vāda nahīñ vāda-e-digar bhī nahīñ
vafā-e-vāda nahīñ vāda-e-digar bhī nahīñ
vo mujh se rūThe to the lekin is qadar bhī nahīñ
baras rahī hai harīm-e-havas meñ daulat-e-husn
gadā-e-ishq ke kāse meñ ik nazar bhī nahīñ
na jaane kis liye ummīd-vār baiThā huuñ
ik aisī raah pe jo terī rahguzar bhī nahīñ
nigāh-e-shauq sar-e-bazm be-hijāb na ho
vo be-ḳhabar hī sahī itne be-ḳhabar bhī nahīñ
ye ahd-e-tark-e-mohabbat hai kis liye āḳhir
sukūn-e-qalb udhar bhī nahīñ idhar bhī nahīñ
