Umr Guzregi Imtihan Mein kia

umr guzregi imtihan me kya
daagh hi denge mujh ko daan me kya

meri har baat be asar hi rahi
nuqs hai kuchh mere bayan me kya

mujh ko to koi tokta bhi nahin
yahi hota hai khandan me kya

apni mehroomiyan chhupate hain
hum ghareebon ki aan baan me kya

khud ko jaana juda zamane se
aa gaya tha mere gumaan me kya

shaam hi se dukaan e deed hai band
nahin nuqsan tak dukaan me kya

ai mere subho shaam e dil ki shafaq
tu nahati hai ab bhi baan me kya

bolte kyun nahin mere haq me
aable pad gaye zabaan me kya

khamoshi keh rahi hai kaan me kya
aa raha hai mere gumaan me kya

dil ki aate hain jis ko dhyaan bahut
khud bhi aata hai apne dhyaan me kya

wo mile to ye poochhna hai mujhe
ab bhi hoon main teri amaan me kya

yun jo takta hai aasman ko tu
koi rehta hai aasman me kya

hai naseem e bahaar gard alood
khaak udti hai us makan me kya

ye mujhe chain kyun nahin padta
ek hi shakhs tha jahan me kya

عمر گزرے گی امتحان میں کیا

عمر گزرے گی امتحان میں کیا
داغ ہی دیں گے مجھ کو دان میں کیا

میری ہر بات بے اثر ہی رہی
نقص ہے کچھ مرے بیان میں کیا

مجھ کو تو کوئی ٹوکتا بھی نہیں
یہی ہوتا ہے خاندان میں کیا

اپنی محرومیاں چھپاتے ہیں
ہم غریبوں کی آن بان میں کیا

خود کو جانا جدا زمانے سے
آ گیا تھا مرے گمان میں کیا

شام ہی سے دکان دید ہے بند
نہیں نقصان تک دکان میں کیا

اے مرے صبح و شام دل کی شفق
تو نہاتی ہے اب بھی بان میں کیا

بولتے کیوں نہیں مرے حق میں
آبلے پڑ گئے زبان میں کیا

خامشی کہہ رہی ہے کان میں کیا
آ رہا ہے مرے گمان میں کیا

دل کہ آتے ہیں جس کو دھیان بہت
خود بھی آتا ہے اپنے دھیان میں کیا

وہ ملے تو یہ پوچھنا ہے مجھے
اب بھی ہوں میں تری امان میں کیا

یوں جو تکتا ہے آسمان کو تو
کوئی رہتا ہے آسمان میں کیا

ہے نسیم بہار گرد آلود
خاک اڑتی ہے اس مکان میں کیا

یہ مجھے چین کیوں نہیں پڑتا
ایک ہی شخص تھا جہان میں کیا