تمہاری یاد کے جب زخم بھرنے لگتے ہیں
تمہاری یاد کے جب زخم بھرنے لگتے ہیں
کسی بہانے تمہیں یاد کرنے لگتے ہیں
حدیث یار کے عنواں نکھرنے لگتے ہیں
تو ہر حریم میں گیسو سنورنے لگتے ہیں
ہر اجنبی ہمیں محرم دکھائی دیتا ہے
جو اب بھی تیری گلی سے گزرنے لگتے ہیں
صبا سے کرتے ہیں غربت نصیب ذکر وطن
تو چشم صبح میں آنسو ابھرنے لگتے ہیں
وہ جب بھی کرتے ہیں اس نطق و لب کی بخیہ گری
فضا میں اور بھی نغمے بکھرنے لگتے ہیں
در قفس پہ اندھیرے کی مہر لگتی ہے
تو فیضؔ دل میں ستارے اترنے لگتے ہیں
tumhaari yaad ke jab zaKHm bharne lagte hain
tumhari yaad ke jab zakhm bharne lagte hain
kisi bahane tumhein yaad karne lagte hain
hadees e yaar ke unwan nikharne lagte hain
to har hareem mein gesu sanwarne lagte hain
har ajnabi hamein mahram dikhai deta hai
jo ab bhi teri gali se guzarne lagte hain
saba se karte hain ghurbat naseeb zikr e watan
to chashm e subh mein aansu ubharne lagte hain
wo jab bhi karte hain is nutq o lab ki bakhiya gari
faza mein aur bhi naghme bikharne lagte hain
dar e qafas pe andhere ki mohr lagti hai
to ‘faiz‘ dil mein sitare utarne lagte hain
