nahin nigah mein manzil to justuju hi sahi

نہیں نگاہ میں منزل تو جستجو ہی سہی

نہیں وصال میسر تو آرزو ہی سہی

نہ تن میں خون فراہم نہ اشک آنکھوں میں

نماز شوق تو واجب ہے بے وضو ہی سہی

کسی طرح تو جمے بزم مے کدے والو

نہیں جو بادہ و ساغر تو ہاؤ ہو ہی سہی

گر انتظار کٹھن ہے تو جب تلک اے دل

کسی کے وعدۂ فردا کی گفتگو ہی سہی

دیار غیر میں محرم اگر نہیں کوئی

تو فیضؔ ذکر وطن اپنے روبرو ہی سہی

nahi nigah mein manzil to justuju hi sahi

nahi visal mayassar to aarzu hi sahi

na tan mein khoon faraham na ashk aankhon mein

namaz e shauq to wajib hai be wuzu hi sahi

kisi tarah to jame bazm mai kade walon

nahi jo bada o saghar to hav hu hi sahi

gar intizar kathin hai to jab talak ai dil

kisi ke wada e farda ki guftugu hi sahi

dayar e ghair mein mahram agar nahi koi

to faiz zikr e watan apne ru ba ru hi sahi